Nasir Balkhi ki ghazal

Aseer e jor o jafa zulm ki qataar me haiN
Qateel e naaz shahadat ke intezaar me haiN.
TumheN bhi tark e marasim se kab qaraar aaya
HamheN bhi dekho zara ham kahaN qaraar me HaiN .
Azal ke din jise dekha hamari aankhoN ne
To ab usi rukhe tabaN ke intezaar me HaiN.
Nishaat e mai se gharaz aur na shart e maikhana
Ke khon e sail e rawaN se jo ham khumaar me haiN.
Wo din bhi pesh e nazar hai mere takhaiyul me
Manaat, laat o Hubal adl ke hisaar me HaiN.
UnheN khabar hi nahi khaak ho gaye ketne
Ke hukmarane watan zom e iktedaar me haiN .
Abhi to ek mujahid saleeb par hai Nasar
Phir uske maan e wale to beshumaar me HaiN.