Mansur Qasmi ki ghazal

Zindagi tujh se mujhe gham ke sewa kuch na mila
Meri be laos mohabbat ka sila kuch na mila
Tu to ek khab hai har khab ki tabeer kahan
Be sabab dhunda kiye subh -o -masa kuch na mila
Na mila noor na khushboo na hawa hi aayi
Ek muddat se mera dar tha khula kuch na mila
Jada -e -shaoq men mera koi hamdard na tha
Dasht -e- ghurbat men bahut door chala kuch na mila
Gir gaye sare shajar ghar men bhi hai sannata
Sehn -e -gulshan men chali kaisi hawa kuch na mila
Nigh mayoos hai aur dil bhi dara ranjidah
Mere hathun ki lakirun men likha kuch na mila
Mehfil -e- aish -o -tarab sajti thi mansoor jahan
Hay us ja meri aahun ke sewa kuch na mila