درِ محبوب کے صدقے کرم اتنا خدا کرنا
مدینے کی گلی میں جسم سے سانسیں جدا کرنا
نہیں یہ ہو نہیں سکتا کسی پر آسرا کرنا
غلامِ مصطفیٰؐ ہیں جانتے ہیں دل فدا کرنا
اشاروں سے فلک پر چاند جب ٹکڑوں میں بٹ جائے
یہی شانِ رسالت ہے نبیؐ کا معجزہ کرنا
زمیں کو ناز ہے اس نے لیا ہے پاؤں کا بوسہ
شہنشاہِ مدینہ کچھ ہمیں بھی تو عطا کرنا
تری دہلیز سے اٹھ کر کہاں جائیں گے ہم عامرؔ
خدا کے واسطے ہم پر کرم یا مجتبیٰؐ کرنا
عامرؔ نظر
کوئی تبصرے نہیں:
ایک تبصرہ شائع کریں