نور جمشیدپوری صاحبہ کا کلام

سر عقیدت سے مدینے میں جھکانے آئے
حالِ دل ہم تو محمدؐ  کو سنانے آئے
،،،،،،
دل کو محسوس ہو امیرے مدینے آکر
رب کی رحمت کے مرے ہاتھ خزانے آئے
،،،،،،،،
روز و شب بہتا یہاں فیض کا دریا ہم بھی
اشک آنکھوں سے ندامت کے بہانے آئے
،،،،،،،
در پے آقا کے لو پیشانی رگڑ کر اپنی
ہم بھی قسمت میں کئی تارے سجانے آئے
،،،،،،،
آرزو کوئی تمنا نہیں باقی اب تو
دل جگر جان مدینے میں لٹانے آئے
،،،،،،
پھول جنت کے برستے ہیں یہاں شام و سحر
بخت اپنا بھی انہیں گل سے سجانے آئے
،،،،،،،،،
شاہِ کونین کا لے کر کے سہارا یارو
ڈوبتی ناؤ کو ہم پار لگانے  آئے
،،،،،،
نور نظروں کا بڑھا دے گا مقدس سرمہ
خاک طیبہ کو ھم آنکھوں سے لگانے آئے
نور جمشید پوری