واٹس ایپ کی سب سے مقبول بین الاقوامی انجمن
نصر الدین بلخی نصر
عالم گنج، پٹنہ
نعت شریف
جو پائے احمد مرسل پہ اپنا سر ہوتا
یہ قصرو در ہی نہیں زیر ِ بحر و بر ہوتا
یہ جسم و جان لہو ہوتا خوں میں تر ہوتا
کٹے جو عشق محمدﷺ میں وہ جگر ہوتا
وہ چوم لیتے شب غم میں اشکِ فرقت کو
مرے خدا مرے نالوں میں وہ اثر ہوتا
تمہارے خلق کا حاصل بنا ہے سارا وجود
نہ آسمان و زمیں اور نہ خشک و تر ہوتا
تمہارے ہجر کا صدمہ عذاب ِ جان بنا
خوشا نصیب مدینے کا اک سفر ہوتا
تمام دولتِ دنیا حقیر تر لگتی
تمہارے در کا گدا کاش کہ نصر ہوتا
رابطہ:9905055746
������������
�� نعتیہ غزل ��
نور الہدی' ، مبشر و طہہ' حضور ہیں
گویا کلام ِ پاک سراپا حضور ہیں
��������
چارہ گرو عبث نہ کرو وقت رائیگاں
یہ درد وہ ہے جس کا مداوا حضور ہیں
��������
دنیائے آخرت جو ہماری سنوار دے
وہ مشعلِ ہدایت ِ دنیا حضور ہیں
��������
کس طرح بیڑا پار لگائے گا کوئی اور
جب ناخدائے کشتیء عقبی' حضور ہیں
��������
فردوس کو بھی رشک ہے طیبہ کے بخت پر
کیوں کر نہ ہو کہ شاہ ِ مدینہ حضور ہیں
��������
دشمن سے بھی ہے رحم و کرم کا معاملہ
خیرالبشر ہیں فاتح ِ مکّہ حضور ہیں
��������
اک بار دیکھ لیں انھیں دنیائے خواب میں
آنکھوں کی پتلیوں کی تمنّا حضور ہیں
��������
راغب رکھیں گے لاج وہ اپنے غلام کی
محشر میں مومنوں کا سہارا حضور ہیں
�� افتخار راغب
دوحہ قطر ��������
نعت رسول صلی اللہ علیہ و سلم
عشق احمد میں کسی کی جاں اگر قربان ہے
کیا بتائیں کس قدر خوش بخت وہ انسان ہے
منزلیں خود چومتی ہیں ان کے قدموں کے نشاں
جن کے ہاتھوں میں نبی کی سنت و قرآن ہے
پڑھ اٹھا پتھر بھی کلمہ چاند بھی ٹکڑا ہوا
دیکھ لو اے دشمنو ! محبوب کی یہ شان ہے
کفر ٹوٹا، شرک چھوٹا، نور حق روشن ہوا
عالم انسانیت پر آپ کا احسان ہے
نفرتوں کی آندھیاں چلتی ہیں چلنے دے مگر
کر فروزاں تو چراغ حق یہی فرمان ہے
ان کے قدموں پہ رہے سر اٹھ نہ پائے پھر کبھی
ہر گھڑی منصور کے دل میں یہی ارمان ہے
منصور قاسمی ، ریاض سعودی عرب
درِ محبوب کے صدقے کرم اتنا خدا کرنا
مدینے کی گلی میں جسم سے سانسیں جدا کرنا
نہیں یہ ہو نہیں سکتا کسی پر آسرا کرنا
غلامِ مصطفیٰؐ ہیں جانتے ہیں دل فدا کرنا
اشاروں سے فلک پر چاند جب ٹکڑوں میں بٹ جائے
یہی شانِ رسالت ہے نبیؐ کا معجزہ کرنا
زمیں کو ناز ہے اس نے لیا ہے پاؤں کا بوسہ
شہنشاہِ مدینہ کچھ ہمیں بھی تو عطا کرنا
تری دہلیز سے اٹھ کر کہاں جائیں گے ہم عامرؔ
خدا کے واسطے ہم پر کرم یا مجتبیٰؐ کرنا
عامرؔ نظر
نعت
کامران غنی صبا
لب پہ ذکرِ حبیبِ خدا چاہیے
کچھ نہیں ، کچھ نہیں ، ما سوا چاہیے
دید کو ان کی چشمِ رسا چاہیے
زہد و تقوے سے کچھ ماورا چاہیے
سجدئہ شوق کو اور کیا چاہیے
اپنے محبوب کا نقشِ پا چاہیے
ہم کو نعتِ نبی کا سلیقہ کہاں؟
بس شفاعت کا اک واسطہ چاہیے
ہجر میں دل پریشان ہے یا خدا
خواب میں روضئہ مصطفےٰ چاہیے
زاہدوں کو مبارک ہوں حور و ملک
ہم کو دیدِ شہہ انبیا چاہیے
جام کبر و ریا توڑ ہی ڈالیے
گر مئے عشق و مہر و وفا چاہیے
کاش ایسا ہو میدان محشر میں وہ
پوچھ لیں ائے صبا تجھ کو کیا چاہیے
نعت
مدینے کی گلیوں میں گھر چاہتا ہوں
وہ روضئہ اقدس کا در چاہتا ہوں
کہیں دل مرا اب یہ لگتا نہیں
مدینے کی شام و سحر چاہتا ہوں
مری مشکلیں ساری ہو جائیں آساں
کرم آپ کا سر بسر چاہتا ہوں
کہیں اور جانے کی حسرت نہیں ہے
مدینے کا اب میں سفر چاہتا ہوں
جو دل میں ہے میرے وہ آ جائے لب پر
دعاؤں میں اصغر اثر چاہتا ہوں
اصغر شمیم، کولکاتہ، مغربی بنگال
نعت پاک
نادم ہیں، شرمسارہیں اپنی خطا پہ ہم
قانع بھی رہ نہ پائے نبی کی رضاپہ ہم
والشمس و والضحیٰ کی ضیا ہے نگاہ میں
حاوی رہے ہیں وقت کی کالی گھٹا پہ ہم
ق
ایسی کہاں بساط ، لکھیں نعتِ مصطفیٰ
قادر کہاں ہیں قدرتِ حرف ونوا پہ ہم
ایمان اپنا آیتِ لاتقنطوا پہ ہے
مولیٰ بھروسہ رکھتےہیں تیری عطا پہ ہم
ممکن نہیں کہ ٹھہریں حساب و کتاب میں
رکھتے ہیں آس شافعِ روزِ جزا پہ ہم
اے جاں فزا ، فضائےمدینہ تجھے سلام
مصرع یہ روز لکھتے ہیں دوشِ صبا پہ ہم
نظروں میں ہو نظیر کی مولیٰ یہ نظارہ
لب پر ہو نعت اور ہوں درِ مصطفیٰ پہ ہم
