غزل- نور جمشید پوری صاحبہ

غزل
،،،،،
پیار کا پھول حسیں دل کھلا رکھا ہے
اس کی خوشبو سے تخیل کو سجا رکھا ہے
،،،،،،،
جب ہوئی آرزو ملنے کی تو مل لیتے ہیں
بند پلکوں میں جنہیں ہم نے چھپا رکھا ہے
،،،،،،،
چل رہے تھے جو سبھی چال چلے ھم ،تو کیوں
آسماں سر پہ زمانے نے اٹھا رکھا ہے
،،،،،،،
ہوکے بے خوف زمانے میں جیا کرتے ہیں
اپنے کردار کو جس نے بھی بچا رکھا ہے
،،،،،،،
کیوں ابھر آئےہیں یہ پاؤں میں چھالے اتنے
ہر قدم پھونک کے ہم نے تو سدا رکھا ہے
،،،،،،،،
آؤ لگ جائیں گلے بھول کے شکوے سارے
بے سبب آپسی تکرار میں کیا رکھا ہے
،،،،،،،،،
ہے یہ ہمدرد  مرا مجھ کو نہ تنہا چھوڑے
اس لئے درد کو  سینے میں دبا رکھا ہے
،،،،،،،
آج نہ پھول بچھا راہ میں ان کی کوئی
اے صبا ،ہم نے تو پلکوں کو بچھا رکھا ہے
،،،،،
کرب ہے ،درد ہے،اور چشم سدا نم جس میں
اس مرض کا ہی یہاں  نام وفا رکھا ہے
،،،،،،،
کچھ تو آنکھوں کو نطر آیا ہی ہوگا تجھ میں
سر ترے آگے نہیں یوں ہی جھکا رکھا ہے
،،،،،،
اے دیا نور ترے دم سے ہے قائم دائم
اس کی خاطر ہی تو نے خود کو جلا رکھا ہے
نور جمشید پوری